ఓ సంజీవప్పడూ!..

మరీచి పుణ్య భూమిలోన తెలుగు వెలుగు మరీచులు

మారిషస్సునందు విందు జాను తెలుగు రోచిస్సులు 

తెలుగు తల్లి తనయునికా తల్లిడును శుభాశీస్సులు

తెలుగు 'పిల్లవోడి' నుతులు వంచి నీకు శిరస్సును! 

మనిషి మిన్న మనసు వెన్న మల్లె తోటలో వెన్నెల

కలివిడిగా కదలాడే ప్రేమ తడులు కన్నుల

నాటి వేణు గానమచట యమునా నది తిన్నెల 

మేటి తెలుగు నాద మిచట ఝరి నీ కను సన్నల! 

అన్నా! వినుమన్నా యిది ఓ సంజీవప్పడూ!

జిలుగు తెలుగు దీధితులను వెలుగుము నీవెప్పుడూ

దూరమున్నదీ తనువుకు మనసుకుండ దెప్పుడూ 

సారమున్న పలుకు సత్యమై పోయిన దిప్పుడు 

తెలుగు తల్లి మమ్మీగా మురియుచున్న దిక్కడ

డమ్మీలై డాడీలై డొక్కు నాన్న లిక్కడ 

నీవలె ప్రతి తెలుగు వాడు దీక్ష పూనుకోవలె 

సరసమైన తెలుగు సరసు రాయంచలు కావలె

మాటలలో తెలుగు మనసులోన ప్రేమ ఝరులు కులుకు

తేనెలొలుకు తెలుగు పలుకు ప్రేమ పంచదార పలుకు 

కావలెనీదౌ క్రాంతి నిలవాలీ సంక్రాంతి 

ముగ్గులు ముంగిళ్ళ నిండి నిగ్గుల గొబ్బిళ్ళు పండి